虎仔抗病小戰士 … 第45日

手術第45日…星期六

今日帶咗虎仔睇醫生，因 為何醫生要到星期一先有位，但驚虎仔病情等唔到，所以睇另一位醫生 - Dr. Gilian。 其實原途去同等候嘅時候，虎仔都好辛苦… 虎仔係咁扭出嚟… 但成間醫院都好多狗狗… 真係大膽到…

入到去dr. gilian同虎仔探熱時有39.8ºC，到幫佢照x-ray後，睇片見到虎仔真係有腹水啦… 情況重要係除咗有腹水之外，肚亦有水… 所以上身係睇唔到個心，而水亦壓住個肺，所以令到虎仔呼吸好辛苦… 亦即FIP已經由乾性轉咗去濕性… 重要情況都幾差… 因為有兩處地方有積水現象…

醫生都有提議幾個方案，但由於虎仔用 緊天然療法，所以我都決定用返澳洲隻藥! 但因為當中有隻藥係for濕性，係要send積水嘅樣本去申請…

但不論點都好，首先係幫 虎仔抽腹水先! 雖然虎仔呼吸好辛苦… 又3日冇食嘢… 但從佢眼神中係覺得佢並冇放棄自己… 只要佢唔放棄，我都唔會放棄! 所以我決定為虎仔抽腹水! 因為腹部可以全抽，而肚因為唔可以抽晒，以免虎仔會缺水…

睇x-ray片時已經係 5點幾，但因為今日係星期六，好多貓貓狗狗嚟睇病，所有直到7點dr. gilian先有時間同虎仔抽腹水… 去到差不多8點時虎仔完成手術… 入到去見到虎仔，抽完腹水後，可能因為麻醉藥未過，反應都有啲緩慢，但dr. gilian話虎仔都叻叻，因為佢都算醒得快，只係重有少少呆滯。

原本虎仔情況應該過多半小時就可以返 屋企，但因為佢有少少缺水同包鹽水都開咗，不如滴耐啲，所以決定放低虎仔到9:30先帶佢返屋企。 而何醫生都好好，都有走過嚟同我講虎仔情況，之前講隻藥因為美國出口問題，所以為唔到虎仔試新藥… 不論係點，都明白FIP喺現今醫學界未有方法係確定醫到… 而何醫生佢哋已經為虎仔付出好多! 亦冇放棄虎仔! 多謝你哋! 佢哋亦肯為我哋將腹水樣本send去澳洲hampl! 真係好好!

到9:30後，去醫院接 返虎仔，聽醫務人員話虎仔都進食同飲水，情況都ok。 因為rosan好好陪我一齊接虎仔走，佢都話虎仔眼神都精靈，唔似好差。 所以我一路以來都唔決定為虎仔做最後一步…

而喺哩次事件，雖然虎仔 係隻貓貓，但我都好佩服虎仔嘅堅韌嘅精神! 係咁多次難關中，佢都好堅強去面對! 並冇放棄自己! 虎仔! 你好叻叻豬!!!

。。。。。。。。

芋圓子︰好多謝你喺自己 愛貓亦受病魔困擾中，仍然都關心虎仔! 辛苦你啦! 你都要加油吖!

Rosan︰多謝你陪我接虎仔同分擔 我嘅壓力… 無言感激!

各位姊妹們︰你哋嘅關心 同支持，真係非常… 非常多謝你哋!

多謝大家!

虎仔抗病小戰士 … 第44日

手術第44日…星期五

多謝大家一路以嚟對我同虎仔嘅支持同 關心! 真係好多謝大家! 差不多有20日冇喺blog到update虎仔情況… 因為忙… 亦因為太多其他事煩… 所以真係提唔起勁去update… 而且有時虎仔情況轉好時，一讚完又轉差… 心想︰唔通小氣???

之前有提及虎仔肯食返多啲嘢，但後來 又肚屙同發燒… 之後曾有2~3日冇燒架! 雖然都有肚屙，但都keep住肯食，同份量都唔少。 但哩幾日又轉差喇… 肚屙係停咗… 但發現佢呼吸好辛苦，每吸一下都好似做深呼吸咁… 尋日早上更見佢呼吸時，連身體都郁動，鼻亦見到呌得好辛苦… miwu mum話最好帶虎仔去照x-ray… 因為怕佢已經有腹水…

雖然知道喺現今嘅香港獸醫係未有方法 去幫到FIP嘅貓貓，但始終有啲事係需要到醫生去幫助搵出原因，所以我都決定明天帶虎仔去照x-ray… 但同時亦好驚要虎仔打麻醉藥… 虎仔! 你要頂住呀!

我真係唔知自己應該點做… 見到佢辛苦，但自己又做唔到啲乜… 真係令願受苦嘅係自己去換取佢嘅健康! 我真係好冇用… 有時真係唸… 如果我識傳心術就好，我可以知道虎仔自己點唸… 虎仔… 若你堅持，媽咪一定支持你架! 若你真係太辛苦支持唔同… 你都同媽咪講吖… 媽咪都唔想你整日都咁辛苦… 當然… 媽咪想哩個亦只係一個小難關，過埋之後你又會好返… 虎仔! 媽咪一齊同你fighting! fighting fighting!!!

。。。。。。。。。

同期亦知道芋圓子嘅波波有事… 希望佢快啲好返返屋企啦! 芋圓子! 你同你相公都要加油! 要小心自己身體吖! 你同李總都係一個好有愛心嘅人，而波波亦係一隻開心貓，哩關實會好快過架啦!

虎仔抗病小戰士 … 第27…28日

手術第27…28日…星期一~二

虎仔哩2日又再發燒… 因為虎仔好唔鍾意喺pat pat探熱，所以為有退而求其次喺虎仔大腿入面較熱位置探熱… 38.5ºC … 而貓貓正常溫度應該係38ºC~39ºC。 但可能因為始終唔係直接喺pat pat探，所以始終唔係太準… 因為手摸到虎仔耳仔同肚仔都熱熱… 不過可幸嘅係虎仔胃口keep住都ok，肯食嘢! 便便就今日未有… 到夜晚先見到有…

手術第28日…星期二

一早起身又見到有便便啦! good~ (真係成個貓奴咁… 真係見到999.9金都冇咁開心…) 跟住又係每早嘅例行公事… 煲熱水去消毒食飯工具同坐熱濕糧… 用virkon消毒虎仔個廁所，換過啲貓沙… 俾其他貓b食嘢… 再幫虎仔濕糧加工及滴藥… 真係花好多時間， 但哩啲係急唔嚟，因為虎仔唔合作你都冇辦法… 而且最重要係對虎仔有益!

一早同晚上虎仔都食得多咗! 比起之前嘅份量多成陪! 雖然食多咗，係好事… 但突然食咁多又會唔會有事???

。 。 。 提外話 。 。 。

令外之前見到circlek有鬆弛熊 杯杯換，雖然我唔係佢Fans，但個杯真係整得幾靚，所以唸住換佢返屋企!

點知去到circlek時，佢哋將所 以鬆弛熊都放晒出嚟比大家摸，一摸到jumbo大bear bear時… ooh no… 好有手感呀!!! 個腦即刻唸︰嘩~ 好有手感喎! 比虎仔按壓一流~

但要換真係好難… 除咗佢唔係儲分換之外，係要抽到張係"jumbo ok fun" 先有架! 而且印花重有 "thank you = 0分" 添…

。

。

。

。

。

。

。

。

。

。

。

。

。

。

。

。

。

。

hohohohohoho… 可能我為虎仔嘅念力太勁啦! 我抽到啦~ yeah~!!!!

。。。 熊仔多面睇。。。

原來 鬆弛熊背部係有拉錬架喎 (裝飾)! 真係唔知添。 hehe…

當然 唔少得虎仔同bear bear合照啦~ 笑~

虎仔︰… 夠啦… 媽咪你好收手啦…

媽咪 ︰……

。。。。。。

後記︰虎 仔好似對bear bear冇咩興趣… 個包裝膠袋就有… 唉…

另外之前同虎仔去睇醫生時，喺一間賣貓貓精品嘅店舖見到有1個好似虎仔嘅磁石貼!

handmade 架! 係咪好得呢? 真係越睇越似虎仔吖!

虎仔抗病小戰士 … 第23…26日

手術第23日…星期四

今天是虎仔確診fip後第一次帶虎仔 去見dr. ho，見一見醫生，去看看虎仔宜家情況如何同有冇其他方法去喺宜家目前係幫到虎仔嘅事…

因為當日我要返工，請唔到假去陪佢… 所以將個重任交比我男友去做。 但我真係好擔心dr. ho點講，所以唯有借口要搵個客而提早收工出去，見完醫生先再搵個客…

原本約咗dr. ho係17:20，但足足等到18:05先到我哋，入到去dr. ho都即是問虎仔宜家情況點… 等等問題，亦同虎仔body check… dr. ho亦有講到要準確驗出是否fip，做開腹抽組織是最準確的，而抽血化驗則只是單靠數據，從一些指數是否高而決定是否fip… 這樣則不是100%準確。 dr. ho在幫虎仔去檢查眼睛時，發現虎仔眼睛有少許發炎… 他解釋fip其實是一種病毒，病毒本身是會令到貓貓體內免疫力亂晒，而且是對全身都有影響，但若上到腦時，則這情況是最差，亦會很快便會死亡… 而fip亦通常是發生在4歲以下的貓貓… 若貓貓係食到嘢及肯玩，咁佢嘅情況可活多幾個月亦應冇問題，而若貓貓係唔係太食到同經常出面呆滯冇乜反應，則可能明天就已經不在亦很有可能… 所以若貓貓係屬於後者，何醫生亦講唔到佢可以活到幾耐… 亦暫時未來藥可以一定醫到fip哩個病，但美國曾經有間公司研究一隻未註冊嘅藥係幫到3隻貓中有 2隻係成功，所以佢建議我哋可以將喺貓醫院做嘅化驗報告send去美國公司問問，可否比隻藥我哋試。

雖然最終冇一個確實嘅答應係醫到虎 仔，但起碼見完何醫生，個心定啲。 雖然宜家唔知問唔問到美國比唔比到藥虎仔試，但起碼宜家隻天然療法藥都算幫到虎仔吖!

同時間亦都發現虎仔真係唔驚狗狗! 地下有隻八哥喺度，佢都唔驚驚，重想落地… 真係比佢激c…

手術第24…26日…星期五~星期日

哩幾日情況都算ok，特別係近期，虎 仔肯食多啲嘢啦~ 雖然食嘅份量唔多，但起碼肯食同隔一陣又肯食，但尋日星期日嚟講，1日都食到一罐嘅細罐罐啦! 唔知宜家啲vit係溝水用針筒餵，所以情況有啲改善呢??? 要keep住呀虎仔! 千期唔好一讚完又返轉頭呀! 繼續Fighting~ Fighting~~ Fighting~~~

便便不過就相反差啲啦… 有時會有啲水水… 希望減少vit c同比多啲slippery elm我今日同時亦會加多少少份量，希望有改善啦!

由虎虎有事至今日差不多一個月左右 啦! 好多謝身邊一班好友幫忙同支持，亦感激各位blogger為虎虎打氣祈禱… 除咗幫虎仔積存正能量外，亦令我有力量去喺虎虎身邊支持佢!

多謝你哋呀!!!

虎仔抗病小戰士 … 第21…22日

手術第21…22日…星期二~ 星期三

喺第1次手術後不知不覺已經20日，虎仔肚上嘅傷口亦有部份完全埋口 啦! 毛毛亦長返啲啦! 慢係慢啲，但起碼有進展嘛! 唔知係咪好似miwu mum咁講，過咗1星期後，虎仔情況會慢慢轉好呢???

因為尋晚放工返到屋企時，虎仔竟然走出嚟扭嘢食! 雖然又係嗰句，只要佢有胃口肯食，就算係食得少都好過一啲唔食… 叻叻豬吖! 唔好媽咪讚完又差返呀! 知冇?

今早又再唔多食… 到夜晚開雞雞罐罐比虎仔食時，都食咗幾啖! good~ 精神亦不錯。

我唸虎仔係鍾意食雞肉，若整得太碎，一來佢好難食到，若溝其他罐罐時 (a/d罐)，佢唔多鍾意食，同a/d罐營養太高，雖然食得少，有時都會令虎仔屙屙… 所以我暫時唔餵a/d比虎仔啦! 希望對佢肚仔同胃口會慢慢好返啦! 加油~

另外infection relief & organ support唔夠一個月，已經用咗半支喇… 早知上次order時都order埋啦… 唉…

Miniatures Gathering - Blanc Maison

哩 期實在太多負能量喇… 而手作亦甩開一邊一段時間… 好忙… 亦冇心情開工…

但尋日 Rosan同我食晏時，順便帶返我隻b嚟見我! 嘩~ bb~ 終於見到你啦! 喺哩期情緒低落期打打氣，吸收返一啲靚嘢嘅正能量!

今期作品 其實係join blanc maison嘅會員所送嘅course嚟架! 所以我哋又約埋一班柴嘩嘩去學嘢為名實質去玩! kakakakaka…

今次做 miniatures終於有樣嘢做得好啦! 你估下係邊樣? hehe… 就係大牡丹啦! yeah!!!

。。。 除罩後。。。

。。。 zoom近啲。。。

。。。 多謝收看。。。

虎仔抗病小戰士 … 第16…20日

手術第16…20日…星期四~ 星期一

這樣又過了4天… 好攰… 感覺到攰並不是我對虎虎已放棄! 而是虎仔情況時好時壞… 不好的情況較多出面… 發熱… 整天哩埋瞓… 唔飲水… 唔食嘢…

由於比初返嚟時，佢變得整天都哩埋… 好難同佢滴藥… 最大問題係佢唔多肯食嘢! 就算肯食，都係食得好少… 飲水方面都可以用針筒耐不耐餵佢飲… 但食嘢我又可以點比呢??? 經過上次令佢嘔過次後，我真係唔夠膽再迫佢食… 我真係唔知我應該點做先可以令佢肯進食多啲… 最食咁少，佢點可以有體力去打哩場仗??? 虎仔… 你要叻叻呀! 媽咪想同你多3年… 6年… 9年… 最多幾年都可以架!

另外最令我好攰嘅原因係… 原本應該2人去分擔照顧虎仔嘅責任… 但好多時都要你喺度就有人做… 但我又要返工，我一個人可以做到幾多???我都好想有份自己工，可以留喺虎仔身邊照顧佢… 或者可以放段長假…

因為哩個病真係要分秒必爭! 遺失一秒咁就冇一秒架啦! 今晚返嚟，虎仔行咗出嚟，應該係肚仔餓… 但我一抱起佢… 我知喺哩個目前同虎仔又喺度，我真係唔可以喊… 但我真係好傷心… 虎仔因為食得好少… 行路又再冇力… 抱起佢時頭仔重冇力咁擺動……

你可唔可以真係抽多啲時間喺虎仔身 上??? 唔好再依賴我去照顧虎仔，我自己本身已經比自己好大壓力架啦! 幫我分擔啲好唔好???