喺剛過去星期三… 虎仔做咗一次開腹手術… 原因係因為近期發現虎仔經常都瞓，唔多郁動… 連玩開嘅玩具都興趣不大… 亦唔多食嘢… 水有時亦突然飲好多… 好擔心佢肝又出現問題! 因為佢短短時間裡真係瘦咗好多… 所以星期六 (10 oct) 都係帶佢去睇醫生…
去到醫院… 真係好擔心佢肝唔知又出現咩問題… 但dr. maggie一按佢腹部就話情況唔多好… 因為佢摸到佢肚仔有個瘤，size亦唔細! 有機會係cancer… 亦有機會係FIP… 當時一聽到有個瘤時… 我眼即刻一泡眼淚… 但我唔想喺醫院到失控… 亦唔想影響到虎仔… dr. maggie建議做開腹手術去睇下個瘤是否可以切除，若真係唔可以切除嘅位置上，亦可以抽取組織去化驗… 若係FIP則唔可以做任何嘢，只可以抽組織化驗…
到星期三手術當日，一早帶虎仔去醫 院，爹爹亦有同行… 去到醫院醫生問我哋有冇摸過個瘤，我哋話唔敢，因為驚整痛虎虎… 醫生話個瘤有權頭仔咁大!!! 所以令佢好唔舒服… 再問咗一啲問題，我哋就放低虎虎喺醫院做手術就返屋企等消息… 到下午4點幾醫院打電話嚟，話虎仔做完手術… 而手術結果係有9成係FIP… 位置係喺腸位置! 但亦因為個腫瘤幾影響虎虎，所以亦建議虎仔要住一晚醫院… 但我好擔心虎仔… 驚佢怕自己一個喺陌生地方… 又做完手術驚驚… 所以我同爹爹去咗探佢…
去到探佢時，佢見我哋嚟睇佢，佢先肯 進食食… 由佢細細個時已經要人陪佢食飯，佢好怕寂寞… 你話你點放心佢自己一個人??? 佢係好需要人去照顧佢… 貓醫院亦好好，知道我哋好擔心虎仔，所以佢哋安排dr. maggie有空閒時，安排我哋再見醫生，問清楚虎仔病情同我哋有咩地方可以做… dr. maggie話FIP暫時係冇辦法醫，我哋可以做嘅只可以做啲令佢開心嘅事，比佢鍾意食嘅食物… 我都帶咗一啲之前買嘅supplement啱唔啱虎仔宜家情況食… 因為驚擔心加重虎仔肝臟負擔… 之後再睇陪多虎仔一陣先走…
返到屋企不斷上網搜尋有關FIP資 料，但結果每個個案都唔好… 好似冇貓貓成功過… 而時間亦係未知之數… 好似你一合眼，已經係另一世界… 不斷搜尋有咩supplement可以幫到對抗FIP… 當時自己可以做就只有不斷搜尋… 不斷搜尋…
到晚上床瞓時… 回想起虎虎由細細個2個月大一次見佢，到宜家3歲… 不斷唸佢發生過嘅事… 前一陣子曾因佢肝問題，問過自己… 虎仔佢可以陪到我幾耐??? 10歲??? 但真係完全冇唸過只有3歲命!!! 虎仔一生由細到大都斷斷續續比病魔影響… 細時貓瘟… 耳蚤… 皮膚癣… 到前排肝問題而引致骨痛… 宜家又要有FIP!??? 唸到這裡… 多日忍耐都終於崩潰… 我真係唔捨得虎仔!!!
手術第2天… 星期四
整天擔心何時醫院打電話來，不知虎仔 能否出到院… 又擔心虎虎喺醫生有冇問題出現… 終於喺3點幾醫院打電話來話可以接虎虎啦! 但dr. maggie想約我哋去接虎虎時再見一見，傾一下我哋之後應該可以做啲咩… 因為當日公司太忙，我去唔到接虎豬… 只有爹爹去接… 一收工立即去買個籠比虎豬養傷期間住… 亦安置其他物品比虎仔用… 等虎仔返嚟期間爹爹打電話返嚟話虎虎喺的士大發皮氣! 係咁貓~ 條尾粗晒! 可能發皮氣駡我哋留佢一晚喺陌生地方…
返到屋企時，佢想行出籠，但驚扯傷傷 口，所以都忍心唔放佢。 為咗令佢開心同肯食多啲嘢，唯有開罐罐比佢，等佢可以食多啲，早啲回復體力去抗病! 第一日返到屋企，食量都唔太多，但比手術前都算有少少進展，暫時未見佢飲水，但一返到屋企已好快有尿尿啦! 而眼神亦比手術前有神!
手術第3天…星期五
放工返嚟見到虎仔情況都差不多，都係 食得好少，未飲過水，重未大大… 但精神都重算ok! 但由於都只係剛剛做完手術幾日，唔放心放佢出籠，所以都係困住佢…
手術第4天…星期六
情況亦差不多… 沒有多大進展… 但盡量都抽時間陪伴虎虎身邊，希望能令佢安心一點，亦令佢有動力去支持下去! 抗病成功!
手術第5天…星期日
食量突然再轉差… 只是小吃幾口便不吃了… 只是不斷睡… 好擔心… 真係好擔心… 不論怎安慰虎虎要虎虎食多一點都不成功… 甚至開了門讓佢可以出嚟行都唔出… 直至晚上最開多一罐新罐罐，虎仔聽到罐罐聲，立刻企起身行出籠行去爹爹身邊! 但我在後面看到時，眼淚立即淚如雨下… 因為虎仔行時 (手術後第一次見到)，見到佢短短時間裡瘦了很多! 可能形容係皮包骨… 行動時亦見到佢四肢冇力，不斷2面跌撞… 見到這樣我真的忍不到淚… 但慶幸虎仔肯進食了，雖然份量不多，但慢慢來吧!
手術第6天…星期一
放工回家，終於見到虎仔有便便啦! 手術後這麼多日，終於有便便! 正如其他貓媽一樣，見到貓b們有便便，真係好似見金一樣! 真係好開心! 加油呀! 虎豬~
手術第7天…星期二
不知何解，虎仔今日便便係拉肚子嘅便 便… 唔似尋日咁正常… 自從星期日開門比虎仔出嚟時，我哋都盡量喺有人喺屋企時開門放佢行下。 所以我洗乾淨水機比佢，希望佢見到水有流動，肯飲水啦!
虎仔見到有水機，竟然真係肯飲水啦! yeah~ 虎仔叻叻! 每日一進步! 虎仔加油~
手術第8天…星期三
晚上返去… 又見到虎仔拉肚子… 替佢辛苦… 而且又唔肯食嘢，但我行去廚房時，佢又企喺廚房門口，好似等我整嘢比佢食… 所以打電話比爹爹，叫佢返嚟整雞雞比佢食! 爹爹返嚟即刻去整，但整完虎仔又唔肯食… 到我要少少咁用手餵時佢先肯食! 真係比佢繳死! 咁鬼嗲… 但肯食，算啦!
手術第9天…星期四
今早又再一次不肯進食… 不知是肚不舒服，還是傷口影響… 及看到佢又再拉便便… 心情又再一次被打沉… 今日虎仔要去睇醫生，希望dr. maggie可以改善到虎仔問題啦!
食晏時候，爹爹打電話嚟… 話dr. maggie發現虎仔肚問題係因為虎仔傷口復原情況好差… 佢唔識自己埋口，所以腸臟係佢肚跌出佢原有位置，所以我哋見到佢肚腫起，亦因有洞令有空氣進入，所以會有硬塊感覺… 所以虎仔要做多一次手術將腸放回原有位置，而手術線亦不能再用可溶線，要改用實線，以防傷口復原追不及溶線，令傷口再一次爆口，條手術線亦不會拆掉，會永 久keep在肚內… 醫生亦提議幫虎仔做安樂死… 我一聽到虎仔情況已忍不住哭了出來，虎仔今早在我出門時，眼神都還算不錯! 應該說佢自做完手術，雖然食量不是很好，而又經常拉肚子，但眼神濕示出佢精神還算不錯! 現在說佢要安樂死! 我真係接受不到! 我明白佢身體情況唔係太好，同佢精神情況並不相連，但未去到不再嘗試尋找方法去幫虎仔而去殺死佢! 只有佢會堅持一日，媽咪都會支持佢!
今日早上已再到miwu媽send給 我，可以幫虎仔的supplement，而下午亦同時收到早前在網上訂購的fip草本藥! 再加上身邊有這麼多人幫忙及支持，虎仔亦雖要我的支持及陪伴，我不可以就這樣消沉下去! 要傷心，只可以在今天一次過傷心個夠! 明天虎仔做完手術及出來時，不要在他面前這樣!
再一次要多謝miwu媽! 雖然我們並不相識，但你一聽虎仔有FIP，你立即去比很多很有用的方法去照顧虎仔! 亦立即給了能幫虎仔病情的supplement! 真的很多謝你! 不知應怎樣表達我的感恩! 謝謝你!
維拉，芋圓子! 不好意思亦謝謝你們! 謝謝你們包容我不斷要麻煩你們及幫助! 不好意思是我是一位又長氣又沉氣的人… 辛苦你們了! thanks!
阿筠︰不好意思要你在咁急趕時幫忙同 虎虎作傳心術，讓我哋知道虎仔想點。 多謝你!!!
亦多謝其他在我身邊及虎仔身邊關心及 支持的人! 謝謝你們! 因為現在我實在非常需要你們的支持，結集你們的支持，希望能令事情有好的轉機，最起碼能令虎仔有更多正能量! 謝謝大家!
~ 而且一問個價錢都ok喎! 唔算好貴，而且重好多種類選擇，材料亦係製作者自己精選。 但這個只可以在網上訂購，完全沒有店舖…
… 又證明大家果然好為食… kakaka… (e!? 乜我唔係話要減肥咩??? … 算啦! 壓力大… 食咗先算
!)
…)︰
