手術第10日…星期五
由於虎仔唔喺身邊，尋日聽完醫生嘅說 話再加上又趕唔切去探虎仔… 我成個人真係虛脫咗… 我知我唔可以喊，唔可以軟弱… 但比我一次過宣洩過夠! 到見到虎仔後，我會努力唔會比佢擔心我! dr. maggie話明天會一早第一個同虎仔做手術，完成手術後會打電話比我哋… 但我真係好擔心，所以下午2點打電話去醫院問問虎仔手術情況係點，點知醫院話重未同虎仔做手術，要最晏少少先! 吓!? 乜唔係一早做咩??? 虎仔尋日已經入院啦喎! 而且動物傳心師阿筠幫我問虎仔時，虎仔都話肚餓，我哋尋晚又去唔到見佢，咁佢咪成日幾未食??? 會唔會虎仔有咩問題??? 個心又開始亂唸嘢… 我男友都話有冇攪錯…
到下午3點幾4點時，我男友再打電話 去問時，佢哋話剛剛做完手術… 但手術結果唔係太好… 因為話dr. maggie幫虎仔開腹放回腸臟入原有位置時，發現虎仔上次病發部位有曠散現象，而且其他內臟都有發熱現象，係短短時間內咁樣，情況都好差… 又再提同虎仔舒服啲走… 我哋聽完電話決定都係帶虎仔走，若然真係唔走得都探下佢，等佢安心啲! 雖然佢係貓，但係佢真係好似一個人仔咁，好小朋友，好需要我同爹爹錫同照顧，所以我哋7點去到醫院帶虎仔走…
去到醫院時，我哋入到去睇虎仔，虎仔 可能因麻醉藥未過… 好攰同呆… 但一見我哋嚟，特別係見到爹爹，佢眼仔即刻有返神彩! 並唔係佢哋講得非要做安樂死不可! 而且我亦唔想要虎仔喺醫院離開… 虎仔亦唔想，佢好想返屋企… 接了虎仔，亦買了2罐a/d罐，但可能醫院方面覺得FIP係冇得救… 所以完全冇準備藥比虎仔，我買a/d罐時問應怎樣比虎仔食及是否可以給虎仔食時，醫院方面竟然回答話虎仔宜家哩個情況食咩都冇分別，及要我問時才回答 1，2句… 藥亦是要問才給!? 而且我問了dr. maggie現在虎仔還是乾性FIP。 而且在外國亦有貓貓可以在得到FIP還可以生存到! 但是否不再嘗試及努力??? 一有FIP便要幫貓貓們安樂死??? 我真的做不到，而且外國亦有成功的例子。 而且貓亦有生命的，不要因佢哋有病，而不理佢哋意願而殺死佢!
以上只係我個人感受，可能喺其他貓貓 主人有唔同經驗… 但我個人覺得因為亦有其他貓貓不幸染上FIP，若真的不幸，我建議唔好去貓醫院求醫! 因為佢哋唔會幫你令貓貓冇咁辛苦，亦不會尋找方法去幫貓貓… 佢哋做到嘅只係幫你證實到貓貓是否染病… 虎仔我不會再帶佢去貓醫院的了!
回到家的樓梯，虎仔已覺得到回到家 了! 立即轉回身看向籠外，而佢嘅眼神亦流露出急不及待的樣子… 你話你點樣可以做嗰個決定!??? 入到屋後，佢自己都識得自己行去飲水，同我哋餵罐罐比佢時，佢都肯食，雖然份量唔多，但好似miwu講，我哋轉用蒸餾水同多食少餐，每餐都少少份量咁比虎 仔食! 咁佢都ok。 今夜嘅心情，我同爹爹嘅心情亦都定咗! 雖然唔知嚟緊會有咩發生，但見到虎仔嘅表現，並唔係醫院講得咁差，又或者有咁多位姐姐同哥哥嘅支持力量同祈禱，令到虎仔知道自己好多人錫要加油!
我哋都攪到好夜先瞓，而爹爹亦喺廳 瞓，陪住虎仔。 辛苦爹爹啦! 虎仔感受到我哋嘅愛護，一定會努力嘅!
手術第11日…星期六
我起身後，爹爹入返房瞓，到我陪虎 仔。 我攞藥箱時，虎仔以為又有得食，即刻跟住我四圍行，哈~ 虎仔你果然係隻為食豬! 雖然食唔晒，但情況都ok。 今日亦再得到miwu嘅幫忙，比咗一啲supplement幫助虎虎，真係好感動! 你哋對我同虎仔嘅幫忙實在太多啦! 如果冇你嘅幫忙，我唸哩條路會更難行好多… 多謝你吖! miwu亦好自豪有咁有愛心嘅babi & mami!
由於虎仔有啲燒 (我唔夠膽幫佢探熱，因為虎仔由細到大都好討厭"吉"pat pat…所以我由佢耳仔發熱知道佢有燒)，今日開始用剛收到天然療法嘅草本藥 "infection relief" 去幫虎虎。 另外亦用其他supplement幫佢排毒，消炎同增加營養。 但唔知係咪嗅到有藥味… 佢又唔肯食… 我唯有又做衰人，強迫一匙匙餵入佢口… 水又唔飲… 又係用針筒餵… 不過我唔會放棄! 加油~ fighting~ fighting~~
要你哋擔心，真係唔好意思… 另我亦唔客氣咁希望大家繼續為虎仔打氣同祈禱! 謝謝大家!
沒有留言:
發佈留言