手術第13日…星期一
今日是假期最後一日了，明天返工就唔 可以好似哩幾日咁全日睇住佢啦… 虎仔你要乖吖!
今早我媽咪上嚟，虎仔竟然好似之前咁 八掛仔走嚟八咩事! good~ 不過原來隻豬仔肚付餓… 扭嘢食… 不過都好，識肚餓。 但成日嚟講，日間係有胃口過夜晚… 晚上成日都唔係太肯食嘢…
滴藥方面，虎仔又係好逃避… 成日到滴藥隻豬仔都好鬼醒，聞風而逃… 激鬼死!!! 所以好難可以依足時間去完成整個滴藥程序… 虎仔︰唔滴藥得唔得呀??? 虎媽︰滴藥快啲好嘛~
手術第14日…星期二
由於喺第2次手術時，喺找數時見到張 單收咗我哋好多樣嘢嘅錢錢… 而我哋亦有提出疑問，但醫院方面亦即時去碌卡先再同我哋解釋 (咁都得???) … 而當中一些項目事前亦沒有同我哋講要做同做咗，但唔做都做咗… 而其中一項收費係化驗費，我當時亦有再問何解上次不是已經收咗咩??? 點解今次又再有一項化驗費??? 當時佢哋只係好簡單話係另一化驗費 (???) …
但由於我需要虎虎嘅血液測試報告 send去澳洲，咁見invoice裡有一項係blood test，咁我今日就問貓醫院send返份報告比我，而所謂另一化驗我亦想要埋send去澳洲，以便澳洲方面更可以準確知道虎仔情況。 但點知佢哋話要搵搵，晏啲再call back我，但佢哋職員態度真係好好! 大佬! 我只係打電話嚟問攞report，錢我之前已經比咗，而你哋亦冇交待個測試結果係咩! 咁我問你攞返報告有咩問題!??? 真係︰
"你咩態度 呀!???" 忍你!
之後佢哋打電話嚟，語氣又好返喎! 原因係因為佢哋話再我同另一個資料攪錯咗 (唔怪得態度唔同晒啦) … 嗰日收咗我哋差不多成$5300，宜家話有$4100退返比我哋… $4100??? 嘩! 嗰日問你又話冇問題，宜家因為我要返個report，你哋冇先同我講話計錯錢! 你哋都好得喎! 如果我一日唔要啲report，同我自己親身打電話嚟要報告，即係只係要虎仔成個case嘅report send去另一間醫院都未必知你哋收錯錢喎! 而且重收多成$4100! 你哋有冇狼死啲呀!??? 跟住佢哋話因為筆錢錢都幾多，要check返會計會用咩形式退返錢比我哋，用cash or cheque。 但直至佢哋關門都未有覆電話比我… 聽日再打去check返先，唔係又唔知會唔會冇咗哩件事… 所以若你哋有機會去哩間貓醫院，張單真係要check清楚，除咗錢問題之外，公正亦係一個問題! 離晒大譜! 而且我哋亦發現虎仔近頸位亦有忽毛比人剪去，但完全係冇人講返比我哋知，我估係做第2次手術後，佢哋要除去個頭罩而剪去…
今日虎仔胃口亦係麻麻… 唯有每次都再減少份量再試… 希望有幫助啦…
不過宜家用天然療法去幫虎仔，今早清 廁所時發現虎仔終於有一條條便便啦! 雖然未至於係好健康嘅便便，但比起之前屙爛爛! 呵呵~ 同虎仔手術後，後腿位置嘅部位啲毛亦變得好粗糙，宜家都變返好少少啦! 而爹爹亦覺虎仔比起手術後皮包骨時，多了點肉! 因為本身佢都唔食得多，有咁嘅成績已經好好架啦! 原本爹爹對天然療法抱有懷疑，但宜家佢都覺得好神奇!
再一次多謝miwu mum同miwu babi分享哩個對fip咁重要嘅消息，同教會我應該如何幫助虎虎!
雖然唔知虎仔會否完全康復，但起碼宜 家幫到虎仔冇咁辛苦同可以延長我哋相處時間。 虎仔~ 你永遠係我哋隻愛豬! 妹妹，迪迪! 哩段時間辛苦你啦! 你哋忍耐多一段時間啦! 哥哥好返後，就可以出返嚟玩架啦! 錫錫豬~
沒有留言:
發佈留言