手術第12日…星期日
其實好感恩星期一係公眾假期，連星期 五假咗嘅假，一共有4日可以照顧虎仔!
由於尋日我太心急同擔心虎虎唔食嘢食 好似之前咁又唔舒服同冇力去打仗，所以強硬餵虎仔食嘢… 點知令佢嘔鑊金… 對唔住吖… 虎仔… 媽咪又做錯嘢… 我唔會太急進架啦! 你想食幾多就食啦… 我唔亦唔會加太多supplement落你啲糧… 慢慢試架啦…
中午起身時，見到虎仔瞓咗係爹爹隔 離! 一人一貓迫埋一張梳化瞓，真係溫馨~ (哼! 對我又唔見咁…唉… 算啦!) 同爹爹交更後，虎仔今日好叻叻一早扭肚餓要食嘢! 乖仔! 期間發生一樣好好笑嘅事，就係虎仔扭食嘢時，我入房時，佢喺嗰個時候閃咗入房去睇下有咩食，而迪迪亦襯哩個時間走咗出去!!! 攪到我好似牧羊人咁走失羊咩咩咁，又要捉虎虎出去，又要捉迪迪入房… 比佢哋激死…
之後即刻比虎仔食埋佢之前餘下嘅糧比 佢食，胃口都算ok! 過多1小時虎仔又叫肚餓，今次溝嘅份量都係以少少咁比，唔想整多又食唔晒… 冇咁新鮮有益。 今次我唔夠膽溝太多supplement，聽miwu mum講唔加vit b試下，虎仔真係肯食晒啲濕糧! 好開心! 有進步!
之後差不多隔1小時都肚餓，但我唔想 佢又食滯… 所以我之後都差不多隔2小時先再比，唔想食滯後之後有排都唔食嘢… 等佢腸胃有時間慢慢去消化同吸收。 隻豬仔今日見我開食物袋，以為我開零食比佢，好少少後又成個為食貓個樣又出現啦! 比咗一粒零食佢都肯食同食到 (之前比到口邊都唔肯食…)。 good! 不過今日唔係飲得太多水… 嗯… 慢慢嚟… 唔好急…
虎虎~ 你不繼努力去對抗病魔，媽咪都要努力去學習照顧你同喺你身邊 扶持你! 加油~
沒有留言:
發佈留言