剛剛在妹貓的網址看到以下的事件…希望各位看完占以下文章後看看能 不能幫助到桃桃或幫忙轉貼以下文章，能讓多點人知道早日找到愛人幫忙到桃桃! 謝謝幫忙!
給桃 桃一點愛及尊嚴好嗎？
雖然愛子手術後出現咗問題, 但當我見到同 愛子一齊去睇醫生嘅貓場舊朋友時, 我即刻覺得愛子其實好幸福同好幸運…
依隻貓場嘅貓貓叫做桃桃, 聽聞從前係面 包店捉老鼠, 後來年紀大咗, 就被人嫌棄, 個老闆仲準備叫漁護處嚟送佢上路, 後來被貓場場主知道咗, 就帶咗佢返貓場住。
都唔知係貓場渡過咗幾多冷冰冰嘅歲月…最近桃桃個肚愈嚟愈大, 胸口長出個雞蛋咁大嘅瘤, 已經穿晒流膿流血。義工東東見佢情況唔可以再拖, 就係貓場帶 咗佢出嚟睇醫生。尋日醫生一睇就知係cancer嚟。肚仔愈來愈大有可能係肥咗, 但亦有可能係肚入面都生咗瘤。不過，桃桃目前精神仲係好好, 好食得, 亦無體重下降嘅問題。所以醫生話就算身體上有癌細胞, 桃桃都會生存多一段日子。而依家可以做嘅係先幫佢清理咗體外露出嚟嘅腫瘤, 等佢剩餘貓生嘅生活質素可以好d 同舒服d。
桃桃雖然好驚好驚但都好乖好合作咁自己由個籠度行出嚟俾醫生睇，好似知道我地係想幫佢咁。見佢手仔 腳仔都污漕，就知道貓場嘅生活唔容易。我話桃桃咁樣係貓場實會俾其他貓欺負，而東東亦都話桃桃一出嚟就會俾其他貓打，因為佢有病，係弱者。睇住貌似栗子嘅 桃桃真係覺得好心酸
…身世咁慘，仲要得個咁嘅病，若果仲留係貓場嘅話，一定會鬱鬱 而終。若果要同桃桃做手術，就一定要有地方俾佢休養。但依家要搵一個暫託位談何容易呢！
但手術一定要做喇，因為個傷口好容易感染，唔可以再留係貓場。桃桃暫定5月25日做手術切除胸口嘅腫瘤。目前桃桃先去義工屋企接受１０日 抗生素療程，但義工屋企都有貓滿之患，桃桃只能住係籠入面。
希望大家能幫手轉貼桃桃嘅消息。幫助桃桃可以好似愛子咁搵到一個合適嘅暫託家庭俾佢休養終老，能夠帶著一點點 愛同尊嚴離開。
如果你可以幫忙照顧, 請電話跟董小姐聯絡 9185 0682
Or email: convia_tung@yahoo.com.hk
沒有留言:
發佈留言