虎仔抗病小戰士 … 第46…47日

手術第46…47日…星期日~ 星期一

虎仔做完抽腹水手術後，初時係好少 少，但回到屋企時呼吸都係急促，雖然冇之前咁辛苦… 但都感到佢辛苦… 而且坐姿係龜式，我想佢係辛苦同痛… 而且亦冇乜點瞓… 燒亦一時退一時燒…

虎仔因為要抽腹水同麻醉，所以另一手 仔同一面腹部又比剃去一忽毛… 可憐豬…

同今日同miwu mam講，原來好多時fip有腹水時，其實好多時都未必太早發現到… 腹脹亦可能因為胸骨而未被發現，除非去照x-ray! 所以若你貓貓不幸染上fip，真係要好留心去觀察自己貓貓情況。

還有一樣係喺虎仔身上發現，虎仔宜家 有時唔知何解會去廁所食砂 (!???)… 今日芋圓子去探波波時，幫我問咗醫生，醫生話有部份fip貓貓係不知何解係會食貓砂架! 但因為fip現今醫學界係未正式好清楚了解到哩個病同搵到方法去醫治… 所以可能因這個病而引致不同問題出現…

同最一次多謝大家對虎仔嘅關心同支 持! 多謝你哋吖!

附上虎仔抽完腹水後嘅相。 雖然身體唔舒服，但從佢眼神見到虎仔真係好堅強! 重眼仔碌碌架! 特別係開火雞肝時… (真係為食貓…) 發光架!

。。。。。。。。。。。。。。。。。。。。。。。。。。。。。。。。。。。。。。。

另外亦喺獸醫裡買咗支Feliway refill ($300)，但若買插座連香芬$450，不過都比貓醫院平 ($600)。

但之前見有位blogger - panda媽有個post "平製 Feliway 香芬 "， 知道有款驅蚊器係可以取代feliway插座。

而feliway refill同蚊香refill size都一樣，所以完全啱用! 試用結果係… 成功架!