手術第48…49日…星期二~星期四
這些天虎 仔都一直未有好轉… 食量等等都再轉差… 甚至用針筒餵水，吞水亦好點困難… 肚仔亦感覺到有點脹大了…
這幾天我都帶虎虎入房睡，虎仔好耐沒 有入房睡了… 自從病發後… 入到房後立即找回以前所睡的位置睡… 但由於限制他的活動範圍只是床上，因迪迪在房裡，亦要耐不耐查看虎仔情況怎樣… 所以這幾晚都睡不安心…
第一晚虎仔自己跳落床，跳上了窗台 上，很開心地望街景~ 他很久沒進房望此景色了… 讓虎仔望了一回兒，再將他抱回上床，怕迪迪走去打他… 但頑皮的迪迪最終都咬了虎虎一下! 太不生性了!!! 之後唯有抱虎仔出廳梳化睡…
第二晚，再將虎仔抱入房睡… 這一次迪迪很乖沒再打哥哥了，甚至乖乖地陪在我們身邊… 到了大約零晨5點… 隱約中聽到迪迪叫，再望向虎虎仔位，他跳落了床下面，我即刻起身抱回他上來，發現虎仔又再喘氣得好利害! 我唔知我應該可以做些甚麼令虎仔舒服一點… 只唯有不斷在虎仔身上幫他按摩…這位置試下… 那位置又試下… 從中嘗試找到一個位置是可以令他舒服一點… 當時好怕好怕虎仔最後一刻… 所幸按摩了不知多久後，虎仔情況終於略為穩定… 但這已是一個比我的驚號! 直至上午都不敢離開虎仔一步，但虎仔情況並不容許我帶他出去見醫生… 而且亦知道除了再幫虎仔抽腹水外，根本沒有方法幫到虎仔，但抽腹水只係解決了一時的問題，而虎仔又要身體再受一之痛楚… 照x-ray… 麻醉… 抽腹水……
但虎仔因為太辛苦，完全食唔到甚麼… 所以最終我自行為虎仔打鹽水落皮下… 好驚… 真係好驚… 得自己一人… 好驚控制唔到虎仔，驚佢會掙扎反而整傷佢… 但為咗虎仔… 最終都為虎仔打鹽水… 唉… 但睇短片見人打同自己去做真係完全不一樣… 唔小心刺穿針筒喉管… 又吉到虎仔痛… 虎仔走又令到針甩掉要再吉… 虎虎~ 媽咪對唔住吖… 你唔舒服重整痛你…
之後見佢情況都ok，所以我決定返返 公司整嘢… 因為太多事要處理… 我team又冇其他人…
放工時，工友仔想探下虎仔，同幫我為 虎仔打鹽水… 多謝你吖! 你結婚我幫唔到你，你重咁非常時期重記掛住我同虎仔… 多謝你! 但返到屋企時，摸到虎仔手腳都好冰冷… 耳仔都係… 幫虎虎再打鹽水後，虎仔又再有少少燒… 但一陣溫度又再低返… 由於爹爹唔喺香港… 佢一知虎仔情況都打電話比虎仔，同佢加油，叫虎仔等佢! 星期一就返嚟… 虎仔聽到爹爹把聲即刻去嗅爹爹聲音嘅來源… 虎仔真係好掛住爹爹… 但我見到虎仔咁辛苦… 真係唔忍心虎仔再硬撐受苦落去… 我同虎仔講︰ 虎仔~ 如果你真係撐唔到唔好死撐… 若重ok，媽咪實撐你架… 若真係太辛苦… 你比少少提示比媽咪知吖!
眼見虎仔嘅精神係好堅強… 但肉體卻事與願違… 喺一晚裡面，前後都打電話比爹爹講虎仔嘅情況… 因為當時情況真係好反復… 大家都好擔心虎仔…
去到差不多2點，帶虎仔入房瞓… 虎仔又再開始喘氣同叫! 虎仔好辛苦… 不斷搵位置坐同瞓… 但都搵唔到坐得舒服… 我以為房間令虎仔唔舒服，所以即刻再抱虎仔出廳瞓… 但虎仔情況並未改善… 喺張椅度有口液同鼻液流出! 虎仔又再不斷擺動身體及四處搵位置瞓，想搵到一個位置及動作係可以舒服啲… 我亦幫虎仔按摩… 及祈求主若虎仔情況真係要走，可否能令這位善良嘅小朋友走得舒服一啲… 佢喺哩個病已經受咗好多痛苦… 若要走… 都希望能舒服啲走…
虎仔要斷叫… 不斷行… 終於去到散熱板上瞓低… 不斷見… 突然大叫及身體很辛苦伸直及扭曲! …我抱起虎仔… 虎仔已經變得軟棉棉… 虎仔眼是開的… 但對我的叫喚… 已經沒有任何反應… 看到虎仔的腹部亦沒有任何的郁動了… 虎仔… 已經走了…
雖然知道虎仔撐不了多久… 真事情真的來到時… 我真的受不了… 我不斷叫虎仔及哭… 但虎仔已不能再回應我了… 我打電話通知爹爹… 爹爹亦哭了出來… 我的愛兒 — 虎仔 終於因FIP已離開了我們…
我用了一條大毛巾包裹虎仔，放他在他 平時愛瞓的椅上… 打電話去寵物善終服務去安排他們來接收虎仔… 當時已差不多4點了… 他們亦好好提議明天一早9點便上來帶虎仔走，這樣除了不用多繳幾百元亦可以最後陪伴虎虎… 錢我並不介意多少… 但真的不想虎仔突然離去後便立即送虎仔離開… 所以約了他們明早9點才來帶虎仔走… 虎仔靜靜的睡著… 但我好像見到虎仔還有呼吸的… 他還未離開的!
聽芋圓子說虎仔可能還有點點聽覺在 的，叫我們嘗試和他說最後的說話… 虎爹立即再打電話回來和虎仔說最後的話語… 我亦不斷說及哭…
3年… 就這樣結束了虎虎的一生… 但他的聰明… 乖巧… 善良… 是曾接觸過他的都一定感受到…
雖然後來你得了FIP… 開了刀2次你都好堅強去支撐自己對抗病魔! 你真的很勇敢! 只可惜媽咪幫不了你… 希望你去到彩虹橋時能開開心心，不再受病魔影響而痛苦… 芋圓子EE的愛犬 — 阿B及愛貓 — 妹妹，他們會照顧你的了! 不用怕陌生地方! 虎仔! 你是獨一無二的，你永遠都是我的愛兒!
虎虎 — 2006.05.02 ~ 2009.12.04 02:50
沒有留言:
發佈留言